Iviernos al revés, neñes tan panches que queden dormíes nel platu larroz, cumpleaños irlandeses o esos llunes nos que inventaríemos milenta disculpes pa nun dir al cole y quedar un cachín más metíos na cama. Esta ye la crónica de la infancia cantada con tenrura y munchu sentíu del humor por Pop Piquiñín, alter ego de la popular banda Petit Pop col que lleven editaos tolos sos discos tornaos al asturianu. Desa rellumante discografía sal agora esta escoyeta de diez canciones onde les lletres acompáñense de les ilustraciones de Pedro Balmaseda, enllenes de frescura y color, y tamién por anécdotes y curiosidaes sobre cada cantar contaes pol propiu grupu.
