FABADA (ASTURIANU) - LA FABRIQUINA

FABADA nun ye un llibru de recetes nin un llibru de gastronomía. FABADA ye una obra que propón un recorríu únicu pela historia del platu asturianu, y, sobre mane-ra, pela so evolución como iconu y símbolu identitariu, que ye paralela a la evolu-ción de la idea d’Asturies nos dos últimos sieglos.
Baxo una perspectiva novedosa, esti impresionante trabayu documental apurre nue-ves feches qu'adelanten en varies décades les primeres menciones conocíes de la fabada, y analiza los aspectos trescendentes del platu asturianu: dende’l so orixe como eventu social, hasta’l so impactu en contestos como l’arte o la publicidá, pa-sando pel cambiu de la so imaxe de platu esquisitu d’ellaboración lenta a un platu indixestu o chancia nos anuncios televisivos de la fabada en lata.
La obra cuenta, amás, con un estraordinariu conteníu visual que, cola collaboración de dellos espertos y espertes, llogra capturar dende diferentes ángulos el brillu d’esti fenómenu social pol que se nos conoz, nel que nos reconocemos y col que los astu-rianos y asturianes nos presentamos fuera d’Asturies.