Ellos son Alejo, Martina, Carmen, Xuan y Enol. Son los investigadores de criatures mitolóxiques más implacables d'Asturies... son l'Equipu Texu. Este ye'l guión del nuevu llibru de Sergio Buelga, "Equipu Texu. L'estandoriu máxicu" (Ediciones Radagast), que va presentar na llibrería'l próximu martes, 10 de xunu, a les 19:00h. Va Tar acompañáu por Inaciu Galán. Entrada llibre y gratuita. ¡Non te lo pierdas!
- "Equipu Texu. L'estandoriu máxicu" (Ediciones Radagast): Na escuela son Alejo, Martina, Carmen, Xuan, Enol y Nora. Pero cuando tán xuntos la cosa cambia, cuando tán xuntos son… L‘EQUIPU TEXU! Los investigadores de creatures mitolóxiques más implacables d‘Asturies. ¿Perdióse un busgosu? ¿Escuéndese‘l cuélebre? Namás ellos van ser quien a atopalos… ¡y hasta a prindalos! acompáñalos nesta hestoria que va llevalos hasta‘l más máxicu de los estandorios.
- Sergio Buelga (Xixón, 1979): ye monitor d’ociu y tiempu llibre, animación sociocultural y educación ambiental, xeres nes que trabaya dende 2000 con neñes y neños y con adultos. De 2020 p’acá lleva la marca La Buelga, especializándose n’actividaes de cultura tradicional asturiana y artes escéniques n’asturianu. Estrenó delles pieces de microteatru, sainetes y diálogos, amás d’obres de llarga duración. Toa esa esperiencia y conocimientu de la reciella permitió-y facer esti novelón infantil d’aventures tan prestosu que yá tas tardando n’encargar pa que te lu mandemos pa casa.
