Tres el Día del Llibru llega otra de les cites importantes del añu... la selmana de les lletres asturianes. Nesta ocasión vamos tener na llibrería a Fran Allegre, que nos presentará'l so nuevu llibru "El fin y outras cousas que van sele" (Cuatro Gotes). Amás tamién nos recitará dalgunu de los sos poemes. Va Ser el próximu xueves, 8 de mayu, a les 19:00h. Va Tar acompañáu por Inaciu Galán. Entrada llibre y gratuita. ¡Nun lo perdáis!
- "La fin y outras cousas que van sele" (Cuatro Gotes): Nun sabemos si volverán esistir las vacas anguaño, nin los regueiros, nin la flor en prau, nin los humanos cuayaos pa ser buenos, nin las sorrisas. Lo que si creemos tar arrimaos d'afirmar ye que nada va esistir pa siempres, nin siquier el cambéu, quiciabes. Pero consideremos el cambéu lo más cercano a lo eterno y a lo bello. Aceptar el cambéu como guapu motor infinitu, guapu movimientu xenerador de guapu movimientu, xenerador de guapura eterna, va evitar un pocu de sufriminentu porque na nuesa esistencia solemos querer siempres amarranos a daqué considerao guapo, xunío a la palabra eternidá pa poder folgar ensin pérdiga, como pena infrayabl, nella. Somo y tamos eternamente nél. Guapura, bondá y vida son indixebrables. La Vida contempla, a la Guapura en sí mesma y en Tou, y ye lo Bueno, too, hasta lo que la camuda escontra lo inaminao.
- Fran Allegre (1977): ye escritor, músicu y artesanu. Leonés de Villareiyu de Órbigo. Como escritor tien espublizaos trabayos etnográficos por la Academia de la LLingua Asturiana como La cultura del vinu en Villareiyu d’Órbigu y Santibañez de Valdeiglesias; Fiestas nel pueblín de Villareyu d’Orbigu y La pesca en dalgunos pueblos riberanos del Órbigu. Cola editorial Llibros Filandón editó Poemas pan un ser lleidos y apaez en delles antoloxíes poéticas como Esto no rima; Onde la palabra pousa y en Surdiversu. Na parte musical tien editaos Nel Biezu, Nel Caminu y otras collaboraciones como Son de ribera o el disco de la gaita en Llión, Farrapos, furacos y foles.
