52 rellatos. 52 hestories. De toa triba y condición. Pelayo Martínez xuega a ser escritor, a ser feliz nel so nuevu llibru, "Fuxir" (Cuatro Gotes Ediciones), que va presentar na llibrería'l próximu martes, 20 de mayu, a les 19:00h. Nel actu va tar acompañáu por Laura Marcos. Entrada llibre y gratuita. ¡Non te lo pierdas!
- "Fuxir" (Cuatro Gotes Ediciones): Fuxir ye, al empar, una declaración sentimental hacia la lliteratura y un mou d'escondese, de llibrar del mundu físicu y real. Una forma d'escaecer l'universu y pensa namás nes pallabres. Un proyectu que paecía tan ridículu como personal y acaba siendo públicu dafechu. Fuxir supón, a la fin, xugar. Xugar a ser escritor, a ser adultu. Xugar a ser feliz.
- Pelayo Martínez (Llangréu, 1997): Estudio'l Grau en Llingües Modernes y les sos Lliteratures na Universidá d'Uviéu. Anguaño trabaya como profesor de Llingua Asturiana y Lliteratura en Secundaria. A nivel lliterariu, tien participao con ésitu en dellos concursos y certámenes, algamando reconocimientos en convocatories como l'Entaína a escribir, l'Ello yera una vegada, La voz del barrio o'l Vaqueiros. Sigue viviendo en Sama, el mesmu sitiu nel que dio los primeros pasos.
- Laura Marcos (Mieres, 1982): ye una escritora narradora y poeta asturiana. Ye llicenciada en filoloxía inglesa y especialista en filoloxía asturiana, y dirixe y presenta el programa web "La clá invisible". Participó na antoloxía editada por Antón García La prueba del once (Ediciones Saltadera) con otros 10 poetes nuevos del panorama asturianu, y nel llibru colectivu autoeditado Dexeneración selvaxe xuntu con Pablo X. Suárez y otros poetes. En 2017 publicó la so primer obra en solitariu: Cuentos de ser y de tar (Ediciones Trabe). A la so obra lliteraria y en delles ocasiones premiada, Laura Marcos sumir una faceta de crítica lliteraria nel espaciu "La clá invisible" na plataforma de YouTube, PlayPresta nel qu'analiza los llibros y autores asturianos de toles dómines poniendo un cuidau especial nos autores más nuevos ya interesantes.
