Facsímil de la edición de 1875 del llibru d'Enriqueta González Rubín Viaxe del tíu Pacho el Sordu a Uviedo. Polos comentarios d'otros autores de la época sabíase qu'esta escritora del XIX, creadora de la prosa n'asturianu, yera autora d'una novela, pero hubo qu'esperar a finales del añu 2008 pa que la suerte nos sonriera y, por casualidá, apaeciera esta estupenda narración. El Principáu d'Asturies, aprovechando la ocasión, dedica la XXX Selmana de les Lletres a l'autora ribesellana ?muyer d'amplia cultura y adelantada al so tiempu? y pon nes llibreríes ?xunto con Ediciones Trabe? esta edición facsímil mui cuidada.
